ਅੰਬਰ ਉਪਰ ਗਹਿਰ ਚੜ੍ਹੀ
 ਫਿਰ ਕੋਈ ਝੱਖੜ ਝੁਲੂਗਾ
 ਖੂਬ ਹਨੇਰੀ ਆਵੇਗੀ
ਮਿੱਟੀ ਬਹੁਤ ਉਡਾਵੇਗੀ
ਸਾਰੇ ਪੱਤੇ ਝਾੜੇਗੀ
ਵੱਡੇ ਟਾਹਣ ਸੁੱਟੇਗੀ
ਜੜ੍ਹ ਨਾਲੌਂ ਵੀ ਪੁੱਟੇਗੀ
ਪੱਤੇ ਹੂੰਝ ਲਿਜਾਵੇਗੀ
ਫੇਰ ਹਨੇਰੀ ਅਵੇਗੀ

ਅੰਬਰ ਉੱਤੇ ਗਹਿਰ ਚੜ੍ਹੀ
ਧਰਤੀ ਉਪਰ ਤਪਸ਼ ਬਣੀ
ਜਦੋਂ ਹਨੇਰੀ ਆਵੇਗੀ
ਅੰਬਰ ਤੀਕ ਹਿਲਾਵੇਗੀ
ਤਾਂ ਫਿਰ ਬੱਦਲ ਵੱਸਣਗੇ
ਸੱਭ ਜਲ ਥਲ ਕਰ ਜਾਵੇਗੀ।
ਸੱਭ ਥਾਂ ਜਲ ਭਰ ਜਾਵੇਗੀ।
ਅੰਬਰ ਤੀਕਰ ਗਹਿਰ ਚੜ੍ਹੀ
ਫਿਰ ਕੋਈ ਝੱਖੜ ਝੁੱਲੂਗਾ।
ਸਾਂਭੋ ਭਾਂਡੇ ਟੀਂਡੇ ਨੂੰ
ਸਾਂਭੋ ਕਪੱੜੇ ਲੀੜੇ ਨੂੰ
ਸਾਂਭੋ ਮੰਜੇ ਪੀੜ੍ਹੇ ਨੂੰ
ਸਾਂਭੋ ਟੱਬਰ ਸਾਰੇ ਨੂੰ
ਖੂਬ ਹਨੇਰੀ ਆਵੇਗੀ
ਮਿੱਟੀ ਬਹੁਤ ਉਡਾਵੇਗੀ।
ਅੱਖਾਂ ਤੱਕ ਭਰ ਜਾਵੇਗੀ
ਕੰਨਾਂ ਤੱਕ ਚੜ੍ਹ ਆਵੇਗੀ
ਅੰਨ੍ਹੀ ਬੋਲੀ ਗਹਿਰ ਚੜ੍ਹੀ
ਹੁਣ ਕੋਈ ਝੱਖੜ ਝੁਲੂਗਾ
ਖੂਬ ਹਨੇਰੀ ਆਵੇਗੀ