ਰਹਿੰਦੇ ਹਾਂ ਪੰਜਾਬ ਵਿੱਚ ਬੋਲੀ ਏ ਪੰਜਾਬੀ
ਬੋਲੀਏ ਪੰਜਾਬੀ ਅਸੀਂ ਬੋਲੀ ਹੈ ਪੰਜਾਬੀ ਸਾਡੀ
ਹਾਸਿਆਂ ਚ’ ਖਿੜਦੀ ਏ
ਗਿੱਧੇ ਵਿੱਚ ਭਿੜਦੀ ਹੈ
ਵਿਹੜੇ ਵਿੱਚ ਰਿੜ੍ਹਦੀ ਏ
ਮਹਿਕ ਕਿਸੇ ਪਿੜ ਦੀ ਏ
ਸਜੱਰੀ ਕਪਾਹ ਜਿਹੀ
ਸੱਜਣਾ ਦੇ ਰਾਹ ਜਿਹੀ
ਬਾਣੀ ਜਿਵੇਂ ਗੁਰਾਂ ਦੀ ਏ
ਰੂਹਾਂ ਦੀ ਏ ਧੁਰਾਂ ਦੀ ਏ
ਹੇਕ ਜਿਵੇਂ ਰੂਹ ਦੀ ਏ
ਲੱਜ ਜਿਵੇਂ ਖੁਹ ਦੀ ੲੈ
ਸੂਕਦੀ ਏ ਕੂਕਦੀ ਏ
ਰੂਹ ਦੀ ਏ ਹੂਕ ਦੀ ਏ
ਪੌਣਾਂ ਵਿੱਚ ਬੋਲਦੀ ਏ
ਖੰਭਾਂ ਨਾਲ ਤੋਲਦੀ ਏ
ਰੂਹਾਂ ਤੱਕ ਖੋਲ੍ਹਦੀ ਏ
ਮਿੱਠਾ ਮਿੱਠਾ ਬੋਲਦੀ ਏ
ਮਿੱਠਾ ਮਿਠਾ ਬੋਲਦੀ ਏ ਬੋਲੀ ਏ ਪੰਜਾਬੀ ਸਾਡੀ
ਰਹਿੰਦੇ ਹਾਂ ਪੰਜਾਬ ਵਿੱਚ ਬੋਲੀ ਹੈ ਪੰਜਾਬੀ ਸਾਡੀ
ਪੰਜਾਬੀਆਂ ਦੀ ਜਾਨ ਏ
ਪੰਜਾਬੀਆਂ ਦੀ ਸਾਨ ਏ
ਤਾਣ ਇਹੋ, ਮਾਣ ਇਹੋ
ਖਾਣ ਇਹੋ ਪਾਣ ਇਹੋ
ਖੇਤਾਂ ਵਿਚੋਂ ਉਗਦੀ ਏ
ਮੇਲਿਆਂ ਚ’ ਪੁਗਦੀ ਏ
ਦੁਰ ਦੁਰ ਤੱਕ ਇਹਨੂੰ
ਅੱਜ ਸਾਰੇ ਜਾਣਦੇ ਨੇ
ਜਾਣਦੇ ਨੇ ਏਸ ਨੂੰ
ਪਛਾਣਦੇ ਨੇ ਏਸ ਨੂੰ
ਟੋਹਰ ਇਹ ਪੰਜਾਬੀਆਂ
ਗੱਲ ਹੈ ਨਵਾਬੀਆਂ ਦੀ
ਮਿਹਨਤਾਂ ਅਸਾਡੀਆਂ ਦਾ ਮੁੱਲ ਹੈ ਪੰਜੁਾਬੀ ਸਾਡੀ
ਖੁਲ੍ਹਾ ਜੀਣ ਢੰਗ ਸਾਡਾ ਖੁਲ੍ਹ ਹੈ ਪੰਜਾਬੀ ਸਾਡੀ।
No comments:
Post a Comment